A touz ceulz qui ces présentes lectres verront et orront, Olivier, seigneur de Coetivi, de Taillebourg et de Didonne, chevalier, conseillier et chambelain du roy nostre seigneur et son grand seneschal de Guienne.

Sachent touz que nous ledit Olivier, connoissons et confessons avoir et tenir du roy nostre  seigneur, à foy et hommage-lige et sereinent de feauté et au devoir d'un fer de lance du priz de dix solz tornois à muance d'omme nostre chastel et chastellenie de Didonne avecques la baillie de Meschiers et toutes et chascunes leurs appartenances, appendences, et deppendences quelconques, soient ressors, deffens, garennes, bois, pescheries, eaux, rivages, naufrages, et aventures, cens, rentes en blez, en deniers, en avoyne, en vin, en poulaille, tailles, corvées, fours, moulins, destroix, servitutes, foires, marchez, fourestz, lances, costumes, péages, traverses et autres choses quelconques, toute haulte, moienne et basse justice et juridicion, mère mixte et impère et exercice d'icelle et tout ce qui en deppend et puet deppendre, tant au dedens des fins et mectes d'icelles que au deffors que enclavées dedens autres chastellenies, avecques toutes autres prérogatives, autoritez, dignitez, libertez, franchises et nobles dominâmes, et droix telz que nous et.noz predeccesseurs, qui ont esté seigneurs dudit lieu de Didonne, y ont acoustumé avoir, prandre, tenir et exercer soubz l'obéissance et souveraineté du roy nostredit seigneur, excepté ce que nous tenons de révérend père en Dieu, Monseigneur l'évesque de Xaintes.

Laquelle chastellenie dure et s'extend premièrement d'un côsté tenant à la chastellenie de Royan, en alant tout au long de la Gironde jusques à la chenau didonoise qui départ la terre de Didonne et celle de Thalemont-sur-Gironde en alant à Fontenilles ledit lieu de Fontenilles et ses appartenances inclus, et d'ilec à la font de Malestrade jusques aux chemins qui s'appellent les quatre confourches en alant le grant chemin a Mouillesole et d'ilec à la tonnelle du moulin du prieur du Chay, en alant le grant chemin jusques au Peyrat Noblanche près de Riberou, et dudit peyrat à Brie en alant vers Mons, ledit lieu et terre de Mons inclus, et de Mons jusques à la moitié de la Conche de Royan près des justices de nostredicte chastellenie de Didone et de la justice dudit lieu de Royan et en laquelle nostredicte chastellenie nous avons cens portans ventes et admendes.

Item advohons tenir vingt-quatre livres en deniers de rente que nous doivent chascun an à cause de nostredicte chastellenie les pescheurs et mariniers de Mornac.

Item, advohons a tenir à cause que dessus sur le marché de Saujon chascun ou cinquante livres de rente.

Item, sur le marché de Cozes. chascun an de rente, vingt-deux livres six solz huit derniers. Item, cinquante solz de rente que nous doivent chascun an Robin Guast et son frère, à cause des choses qu'ilz tenent de nous en nostredicte chastellenie.

Item quatre livres deîrente que nous doit chascun an le sire de Luchac, à cau. . et pour les choses qu'il tient de nous en ladicte chastellenie.

Item, le manoir au Brives en la chastellenie de Royan avecques ses appartenances.

Item, quatre vingt boisseaux de froment de rente, qui sont cinq tonneaux de froment, que nous doit chascun an, le sire de Royan, à cause de son chastel et chastellenie de Mornac.

Item, le prevost de Meschers quatre-vingt boisseaux de froment, à cause des choses, qu'il tient de nostre dicte chastellenie.

Item, Jehan Autenc, à cause de ce qu'il tient de ladicte chastellenie, vingt-deux boisseaux de froment et vingt huit boisseaux d'orge et deux tonneaux de vins. Item, Jehan Vigier des Pibles, quatorze boisseaux de froment de rente, à cause des choses qu'il tient de nous en ladicte chastellenie.

Item, advohons à tenir garenne ancienne- à toutes bestes et par toute nostredicte chastellenie.

Item, tout ce que tiennent de nous noz hommes, vassaux et subjects a foy et hommage, ou autrement.

Item, noz estancs de ladicte chastellenie avecques leurs appartenances.

Item, tout ce que tennent de noz vassaux et subjectz a hommages-liges et plains et autrement, les aucuns en toute justice, haute, moienne et basse et les autres en aucune deppendances des juridicions dessusdites et aussi plusieurs d'Eglise, abbez, prieurs, hospitaliers et autres religieux, curez d'église et autres en franche aumosne à foy et hommage et autrement.

Item, tout ce que nous avons et que nos predescesseurs seigneurs dudit lieu de Didonne ont accoustumé avoir et prandre en la terre et chastellenie de Cosnac.

Item, nostre chaufage et exploit en la forcst de Corles et generaument toutes et chascunes les autres choses que nous avons et avoir pouvons et devons et que nous poveut et doivent compettr et appartenir et que autres tennent de nous et soubz nous a cause de nostredicte chastellenie en gariment, franche aumosne ou autrement.

Et les choses dessus dictes nous baillons au roy nostredit seigneur par escript, en la manière que dit est, o protestation de croistre, mennuer, corriger, spécifier et declairer toutesfoiz et qualités qu'il vendra à nostre notice que plus ou moingz en doions tenir, comme il soit chose difficile et impossible de les povoir à présent autrement declairer.

Et ce nous certifions au roy nostredit soverain seigneur et a touz autres qui il puet et doit appartenir par la teneur de sesdictes présentes, signées de nostre main et scellées du séel de noz armes le dernier jour du moys de may l'an mil quatre cens cinquante deux.

OLIVIER DE COETIVY

 (Original sur. parchemin. Signature autographe. Sceau perdu. Archives nationales carton q. 128. — Communication de M. Adolphe Bouyer, à la société des archives de Saintonge et d'Aunis).

==> LA RANÇON D'OLIVIER DE COËTIVY SEIGNEUR DE TAILLEBOURG ET SÉNÉCHAL DE GUYENNE 1451-1477.

==> Avril 1451- Olivier de Coetivy, grand sénéchal de Guyenne en visite au château de Fontenay le Comte

==> 1465 LE MOBILIER D'OLIVIER DE COËTIVY AU CHATEAU DE ROCHEFORT.